Þjónustusamningur við Reykjavíkurborg endurnýjaður

Daði Már Kristófersson, forseti Félagsvísindasviðs, og Dagur B. Eggertsson borgarstjóri undirrituðu nýjan þjónustusamning milli Stofnunar stjórnsýslufræða og stjórnmála við Háskóla Íslands og Reykjavíkurborgar í hádeginu í dag.

Samningurinn kveður á að Stofnun stjórnsýslufræða og stjórnmála veiti Reykjavíkurborg sérfræðiráðgjöf og standi fyrir námskeiðum fyrir starfsfólk í stjórnsýslu borgarinnar.  Auk þess mun stofnunin hafa milligöngu um hagnýt rannsóknarverkefni á sviði stjórnsýslufræða og stjórnmála sem nemendur geta unnið fyrir Reykjavíkurborg sem hluta af námi þeirra við Háskóla Íslands.

Stofnunar stjórnsýslufræða og stjórnmála og Reykjavíkurborg hafa haft með sér samstarf allt frá stofnun stofnunarinnar árið 2003.  Stofnun stjórnsýslufræða og stjórnmála er rannsókna-, fræðslu- og þjónustustofnun og heyrir undir Stjórnmálafræðideild og Félagsvísindasvið Háskóla Íslands. 

Á myndinni eru frá vinstri:  Daði Már Kristófersson, forseti Félagsvísindasviðs, Sjöfn Vilhelmsdóttir, forstöðumaður Stofnunar stjórnsýslufræða og stjórnmála og Dagur B. Eggertsson borgarstjóri.

28. september 2017 - 16:00
Þú ert að nota: brimir.rhi.hi.is