Sex vikna námskeið í stjórnsýslurétti fyrir starfsmenn ráðuneyta, ríkisstofnana og sveitarfélaga 24. janúar- 2. mars 2017

Í þrettánda skiptið býður Stofnun stjórnsýslufræða og stjórnmála, í samstarfi við forsætisráðuneytið, Reykjavíkurborg og Félag forstöðumanna ríkisstofnana,  upp á sex vikna námskeið um stjórnsýslulögin og stjórnsýslurétt fyrir þá starfsmenn ríkisins (ráðuneyta og ríkisstofnana) og starfsmenn sveitarfélaga, sem koma að meðferð mála og undirbúningi ákvarðana í stjórnsýslunni. Nemendur munu hlýða á fyrirlestra, taka þátt í umræðum og lesa kennslurit. Eftir atvikum verður varpað upp stuttum raunhæfum verkefnum sem farið verður sameiginlega yfir í tímum. Einnig er í boði að taka námskeiðið í fjarnámi, og munu fjarnemar hafa að aðgang að upptökum á netinu sem og streymi í rauntíma.

Umsjónarmaður og aðalkennari er Hafsteinn Þór Hauksson, dósent við lagadeild Háskóla Íslands. Aðrir kennarar eru Tryggvi Gunnarsson, umboðsmaður Alþingis, Berglind Bára Sigurjónsdóttir, skrifstofustjóri hjá umboðsmanni Alþingis og Hafsteinn Dan Kristjánsson, aðstoðarmaður umboðsmanns Alþingis.

Kennt verður tvisvar í viku á þriðjudögum og fimmtudögum frá kl. 13:00 - 16:00 í samtals 12 skipti, alls 54 kennslustundir.

Námskeiðið hefst 24. janúar og lýkur 2. mars. Þátttökugjald er kr. 62.500 -.

Kennsla fer fram í húsnæði Menntavísindasviðs Háskóla Íslands í Stakkahlíð.

Kennsluáætlun námskeiðsins

Fullbókað er í staðnám í námskeiðinu! Enn er hægt að skrást í fjarnám. Einnig er hægt að óska eftir að vera á biðlista til að komast í staðnám og verður þá haft samband ef pláss losna.

Smellið hér til að skrást í fjarnám eða á biðlista í námskeiðinu.

Þú ert að nota: brimir.rhi.hi.is