SEX VIKNA NÁMSKEIÐ Í STJÓRNSÝSLURÉTTI fyrir starfsmenn ráðuneyta, ríkisstofnana og sveitarfélaga 24. janúar- 2. mars 2017

Í þrettánda skiptið býður Stofnun stjórnsýslufræða og stjórnmála, í samstarfi við forsætisráðuneytið, Reykjavíkurborg og Félag forstöðumanna ríkisstofnana,  upp á sex vikna námskeið um stjórnsýslulögin og stjórnsýslurétt fyrir þá starfsmenn ríkis og sveitarfélaga, sem koma að meðferð mála og undirbúningi ákvarðana í stjórnsýslunni. 

Umsjónarmaður og aðalkennari er Hafsteinn Þór Hauksson, dósent við lagadeild Háskóla Íslands.  Aðrir kennarar eru Tryggvi Gunnarsson, umboðsmaður Alþingis, Berglind Bára Sigurjónsdóttir, skrifstofustjóri hjá umboðsmanni Alþingis, og Hafsteinn Dan Kristjánsson, aðstoðarmaður umboðsmanns Alþingis.

Námskeiðið hefst 24. janúar og lýkur 2. mars. Kennt verður tvisvar í viku á þriðjudögum og fimmtudögum milli kl. 13:00-16:00, í húsnæði Menntavísindasviðs HÍ við Stakkahlíð. Einnig er í boði að taka námskeiðið í fjarnámi, og munu fjarnemar hafa að aðgang að upptökum á netinu sem og streymi í rauntíma.

Hér er hægt að fá nánari upplýsingar um námskeiðið og skrá sig til leiks.

5. janúar 2017 - 14:30
Þú ert að nota: brimir.rhi.hi.is