Hvernig á að ráða starfsmenn hjá ríki og sveitarfélögum?

Stofnun stjórnsýslufræða og stjórnmála kynnir, í samstarfi við forsætisráðuneyti og Félag forstöðumanna ríkisstofnana:
 
Hvernig á að ráða starfsmenn hjá ríki og sveitarfélögum?
Námskeið haldið fimmtudaginn 11. maí 2017 kl. 9:00-12:30 í húsnæði Menntavísindasviðs HÍ við Stakkahlíð, stofu H-101 í Hamri.
 
 
Verð: 16.800 kr.
 
Umsjónarmaður og fyrirlesari er Kjartan Bjarni Björgvinsson, héraðsdómari við Héraðsdóm Reykjavíkur.
 
Námskeiðið stendur einnig til boða í fjarnámi fyrir starfsmenn ríkis og sveitarfélaga sem starfa á landsbyggðinni.
 
Markhópur:
Stjórnendur og starfsmenn hjá stofnunum ríkisins og sveitarfélaga sem koma að undirbúningi og ákvörðun um ráðningu í opinbert starf og öðrum ákvörðunum í starfsmannamálum.  
 
Markmið:
Að þátttakendur öðlist haldgóða þekkingu á þeim lagareglum sem gilda um ráðningu starfsmanna hjá ríki og sveitarfélögum samkvæmt lögum og óskráðum reglum stjórnsýsluréttarins.
 
Helstu umfjöllunarefni:
  • Hvaða kröfur eru gerðar til auglýsingar um laus störf hjá ríki og sveitarfélögum, meðal annars samkvæmt lögum nr. 70/1996, um réttindi og skyldur starfsmanna ríkisins, og eftir atvikum samkvæmt ákvæðum sérlaga eins og lögum nr. 10/2008, um jafna stöðu og jafnan rétt karla og kvenna (jafnréttislögin).
  • Hvaða lagalegu mörk gilda um það hvernig stofnanir ríkis og sveitarfélaga standa að ráðningu starfsmanna, meðal annars samkvæmt lögum nr. 70/1996, stjórnsýslulögum nr. 37/1993 og jafnréttislögum?
  • Hver er réttur umsækjenda um störf hjá ríki og sveitarfélögum og hvaða úrræði standa þeim til boða við að framfylgja þeim rétti?
Varpað verður upp spurningum á borð við hvort núgildandi lagareglur setja stjórnvöldum hugsanlega of þröngar skorður við ráðningu starfsmanna og þá einnig hvort reglurnar skili viðunandi árangri um að tryggja réttaröryggi umsækjanda um opinber störf.
 
Öll umfjöllun verður studd dæmum um framkvæmd laganna og þá m.a. vísað til dóma Hæstaréttar og álita umboðsmanns Alþingis.
 
Kjartan Bjarni Björgvinsson er cand.jur. frá Háskóla Íslands og með meistarapróf frá London School of Economics and Political Science 2006. Kjartan starfaði sem aðstoðarmaður umboðsmanns Alþingis frá árinu 2006 til 2009 og sem lögfræðingur við EFTA-dómstólinn í Lúxemborg frá 2009 til 2015. Kjartan hefur kennt stjórnsýslurétt og opinberan starfsmannarétt við Háskóla Íslands frá 2004. Hann var skipaður héraðsdómari við Héraðsdóm Reykjavíkur í apríl 2015.
 
Þú ert að nota: brimir.rhi.hi.is