Undanþáguákvæði upplýsingalaga - endurtekið námskeið vegna mikillar aðsóknar

Vegna mikillar eftirspurnar mun Stofnun stjórnsýslufræða og stjórnmála halda annað námskeið um Undanþáguákvæði upplýsingalaga - Hvenær er skylt og hvenær er heimilt að gæta leyndar samkvæmt upplýsingalögum?

Námskeiðið verður haldið 14.nóvember, kl. 16:15 - 19:00, í Veröld - húsi Vígdísar, við Brynjólfsgötu 1, stofa VHV-008

Verð. kr. 17.500,-

Hér er hægt að skrá sig á námskeiðið

 

Umsjónarmaður og fyrirlesari: Kjartan Bjarni Björgvinsson, hérðasdómari og dósent við lagadeild Háskólans í Reykjavík.

Námskeiðið stendur einnig til boða í fjarnámi fyrir starfsmenn ríkis og sveitarfélaga sem starfa á landsbyggðinni.

Í námskeiðinu verður farið yfir helstu undanþágur frá meginreglu upplýsingalaga um rétt almennings til aðgangs að gögnum með tilliti til þess hvernig þær hafa verið skýrðar í dómaframkvæmt Hæstaréttar og úrskurðum úrskurðarnefndar um upplýsingamál.

Fjallað verður um að hvaða marki stjórnvöldum kann að vera óheimilt að afhenda upplýsingar um einstaklinga á þeim forsendum að þær varði einkamálefni sem sanngjarnt er og eðlilegt að leynt fari. Enn fremur verður sjónum beint að því hvernig viðskiptalegir og fjárhagslegir hagsmunir fyrirtækja geta komið í veg fyrir að stjórnvöld veiti aðgang að upplýsingum. Þá verður lýst helstu tilvikum þar sem stjórnvöldum er óheimilt að veita aðgang að upplýsingum. Þá verður lýst helstu tilvikum þar sem stjórnvöldum er óheimilt að veita aðgang vegna almannahagsmuna.

Í námskeiðinu verður einnig fjallað um þau tilvik þar sem stjórnvöld mega bera fyrir sig leynd án þess þó að þeim sé óheimilt að veita aðgang, eins og t.d. um vinnugögn, gögn sem lögð eru fyrir ráðherra og gögn sem varða starfsmannamál.

Markmiðið með námskeiðinu er að þátttakendur öðlist undirstöðuþekkingu á undanþáguákvæðum upplýsingalaga nr. 140/2012. Umfjöllunin verður studd dæmum um framkvæmd laganna og þá m.a. vísað til úrskurða úrskurðarnefndar um upplýsingamál, dóma Hæstaréttar og álita umboðsmanns Alþingis.

Markhópur: Starfsmenn stjórnsýlsunnar sem leysa þurfa úr álitaefnum um hvort veita eigi aðgang að upplýsingum. Fjölmiðlamenn, fræðimenn og allir aðrir sem áhuga hafa á að nýta sér lögin til að kynna sér gögn og uppllýsingar í vörslum stjórnvalda.

Kennari: Kjartan Bjarni Björgvinsson er cand.jur. frá Háskóla Íslands og með meistarapróf frá London School og Economics 2006. Hann hefur verið skipaður dómari við Héraðsdóm Reykjavíkur frá 2015 og dósent við lagadeild Háskólans í Reykjavík frá 2016. Hann hefur einnig starfað sem formaður rannsóknarnefndar Alþings og aðstoðarmaður umboðsmanns Alþingis, auk þess að vera skipaður varaformaður úrskurðarnefndar um upplýsingamál frá 2017.

 

 

Þú ert að nota: brimir.rhi.hi.is