Sex vikna námskeið í stjórnsýslurétti 4. febrúar - 12. mars 2020

Í sextánda skiptið býður Stofnun stjórnsýslufræða og stjórnmála upp á sex vikna námskeið um stjórnsýslulögin og stjórnsýslurétt fyrir þá starfsmenn ríkisins (ráðuneyta og ríkisstofnana) og starfsmenn sveitarfélaga, sem koma að meðferð mála og undirbúningi ákvarðana í stjórnsýslunni.

Nemendur munu hlýða á fyrirlestra, taka þátt í umræðum og lesa kennslurit. Eftir atvikum verður varpað upp stuttum raunhæfum verkefnum sem farið verður sameiginlega yfir í tímum.
 

Sérstök athygli er vakin á því að einnig er í boði að taka námskeiðið í fjarnámi, og munu fjarnemar hafa að aðgang að upptökum á netinu sem og streymi í rauntíma. Sveigjanleiki er í fyrirrúmi á námskeiðinu og gefst staðnemum kostur á að fá aðgang að upptökum sem og fjarnemum að sækja staka tíma.

Umsjónarmaður er Hafsteinn Þór Hauksson, dósent við lagadeild Háskóla Íslands. Aðrir kennarar eru Ásthildur Valtýsdóttir lögfræðingur í forsætisráðuneytinu, Oddur Þorri Viðarsson lögfræðingur í forsætisráðuneytinu, Særún María Gunnarsdóttir skrifstofustjóri hjá umboðsmanni Alþingis, Trausti Fannar Valsson dósent við Lagadeild Háskóla Íslands, Tryggvi Gunnarsson, umboðsmaður Alþingis.

Kennt verður tvisvar í viku á þriðjudögum og fimmtudögum frá kl. 13:00 - 16:00 í samtals 12 skipti, alls 54 kennslustundir.

Námskeiðið hefst 4. febrúar og lýkur 12. mars. Þátttökugjald er kr. 69.800 -.

Kennsla fer fram í húsnæði Menntavísindasviðs Háskóla Íslands í Stakkahlíð.

Smelltu hér til að nálgast kennsluáætlun námskeiðsins 2020

HÉR getur þú skráð þig á námskeiðið

Umsagnir þátttakenda frá síðasta námskeiði:

  • "Sem starfsmaður á stjórnsýslustofnun get ég fullyrt að á hverjum degi námskeiðsins voru teknir fyrir hlutir sem nýttust mér með beinum hætti við vinnu. Í kjölfar þessa námskeið er því ljóst að ég mun geta tekist á við mín störf af meira öryggi."
     
  • "Ég var gríðarlega ánægður með alla kennara. Þeir voru allir með mikinn áhuga á að miðla, þeim fannst gaman og ég upplifði það. Þá verður námsefnið skemmtilegra."
     
  • "Mjög gott námskeið, ætti næstum að vera skyldufag fyrir starfsmenn í íslenskri stjórnsýslu"
Þú ert að nota: brimir.rhi.hi.is