Þagnarskylda opinberra starfsmanna

Stofnun stjórnsýslufræða og stjórnmála kynnir:
 

- NÝTT NÁMSKEIÐ -

Þagnarskylda opinberra starfsmanna

Miðvikudaginn 11. mars 2020, kl. 9:00-12:30, í húsnæði Menntavísindasviðs HÍ við Stakkahlíð.

Vekjum athygli á því að námskeiðið stendur einnig til boða í fjarnámi. Fjarnámið er sent út í beinu streymi og einnig verður upptaka af námskeiðinu aðgengileg eftir að því lýkur.
 
Umsjónarmaður og fyrirlesari er Kjartan Bjarni Björgvinsson, dómari við Héraðsdóm Reykjavíkur. Þátttökugjald er kr. 18.200-
 
 

Hér getur þú skráð þig á námskeiðið.

 
Markmiðið með námskeiðinu er að þátttakendur öðlist yfirsýn yfir helstu reglur sem gilda um þagnarskyldu starfsmanna hjá ríkisstofnunum og sveitarfélögum. Fjallað verður um nýlegar breytingar á stjórnsýslulögum um þagnarskyldu starfsmanna og hvaða áhrif þær hafa á stöðu starfsmanna. 
 
Umfjöllunin verður studd raunhæfum dæmum, einkum með tilliti til dóma Hæstaréttar og álita umboðsmanns Alþingis.
 
Markhópur: Stjórnendur og almennir starfsmenn hjá stofnunum ríkis og sveitarfélaga sem vilja átta sig betur á hvaða upplýsingum starfsmenn mega deila um störf sín. 
 
Á námskeiðinu verður m.a. fjallað um eftirfarandi álitaefni í tengslum við beitingu þagnarskyldureglna:
  • Til hvaða upplýsinga ná reglur um þagnarskyldu opinberra starfsmanna? 
  • Að hvaða marki mega starfsmenn deila upplýsingum sem þagnarskylda ríkir um? Hvaða reglur gilda um miðlun slíkra upplýsinga til annarra stjórnvalda?
  • Hvaða viðurlögum geta starfsmenn þurft að sæta sem gerast brotlegir við reglur um þagnarskyldu? 
  • Hvenær er brot á þagnarskyldureglum á því stigi að það getur bakað starfsmanni refsiábyrgð? 
Í kennslunni verður að verulegu leyti stuðst við raunhæf dæmi þannig að þátttakendur öðlist skilning á þeim viðfangsefnum sem reynir á í tengslum við reglur um þagnarskyldu.  
 
Kjartan Bjarni Björgvinsson er cand.jur. frá Háskóla Íslands og með meistarapróf í lögum frá London School of Economics and Political Science. Hann hefur m.a. annars starfað sem aðstoðarmaður umboðsmanns Alþingis og formaður rannsóknarnefndar Alþingis. Kjartan  var skipaður héraðsdómari við Héraðsdóm Reykjavíkur í apríl 2015 og kjörinn formaður Dómarafélags Íslands árið 2019. 
 
 
 
 
Þú ert að nota: brimir.rhi.hi.is