Um stofnunina

Stofnun stjórnsýslufræða og stjórnmála var stofnuð árið 2002 og var fyrsta heila starfsár hennar 2003.

  • Hún er rannsóknar- og þjónustustofnun stjórnmálafræðideildar og hennar samstarfsaðila og starfar sem sjálfstæður aðili í tengslum við Félagsvísindastofnun Háskóla Íslands.
  • Að stofnuninni standa auk Háskóla Íslands,  Reykjavíkurborg og Landspítali-háskólasjúkrahús.
  • Stofnunin starfar náið með fyrirtækjum, stofnunum og félagasamtökum, innlendum sem erlendum eftir því sem tilefni gefast.
  • Stofnun stjórnsýslufræða leitast við að ná markmiðum sínum annars vegar á vettvangi þjóðlífs og hins vegar á vettvangi Háskóla Íslands.

Á vettvangi þjóðlífs er áhersla lögð á að efla tengsl fræðasamfélagsins í Háskóla Íslands við forystumenn í þjóðlífi, þ.m.t. stjórnmálamenn, embættismenn og forystumenn atvinnulífs- og hagsmunasamtaka; standa fyrir innlendum sem alþjóðlegum ráðstefnum og námskeiðahaldi; efla umræðu og rannsóknir á tengslum fjölmiðla, stjórnmála og opinberrar stefnumótunar; gefa út og kynna niðurstöður rannsókna; og leita nýrra leiða til að afla fjár til verkefna stofnunarinnar.

Á vettvangi Háskólans leggur stofnunin áherslu á að efla framhaldsnám, hagnýt námskeið og rannsóknir á sviði stjórnsýslu- og stjórnmálafræða innan stjórnmálafræðideildar; stuðla að þverfræðilegri samvinnu innan skólans og veita stjórnmálafræðideild og öðrum aðilum innan sem utan skólans þjónustu á sviði fræðanna.

Á vegum stofnunarinnar starfar rannsóknarborð í stjórnmálum og stjórnsýslufræðum sem er samstarfsvettvangur fræðimanna sem stunda rannsóknir á fræðasviðunum og samstarfsaðila þeirra.  Tilgangur rannsóknarborðsins er m.a. að efla rannsóknir og nýsköpun á sviði opinberrar stjórnsýslu og stjórnmála, auka samstarf milli fræðimanna á þessum sviðum, vera samræðuvettvangur fræðanna og þeirra sem starfa við opinbera stjórnsýslu og stjórnmál  og vera vettvangur miðlunar þekkingar og  hagnýtrar reynslu.

 

Aðalbygging Háskóla Íslands

 

 

Þú ert að nota: brimir.rhi.hi.is