Hannes H. Gissurarson, prófessor

Hannes Hólmsteinn GissurarsonNetfang: hannesgi(hjá)hi.is

Aðsetur: Oddi, O-212

Sími: 525-4526

 

 

 

 

 

Nýlokin verkefni


1.     Tilvitnanasafn. Endurskoðuð útgáfa bókarinnar Íslenskar tilvitnanir, sem kom út 1995. Samstarfsaðili er Bókafélagið, sem gaf það út 2010. Verkefnið var unnið í fimmtán ár, 1996–2010, og lauk haustið 2010.
Bókafélagið gaf þá út Kjarna málsins. Fleyg orð á íslensku. Flokkur: Stjórnmál og þátttaka borgaranna.

2.     Íslenskir kommúnistar 1918–1998. Aðalrannsóknarspurningin er: Að hve  miklu leyti voru íslenskir kommúnistar kommúnistar, samstíga kommúnistum í öðrum löndum í orðum og verkum? Afrakstur hennar voru nokkrar ritgerðir og ein bók undir þessu nafni. Samstarfsaðilar voru Sjóður Bjarna Benediktssonar og Almenna bókafélagið, sem gaf bókina út 2011. Verkefnið var unnið 2008–2011 og lauk haustið 2011.
 Flokkur:  Stjórnmálaheimspeki og íslensk stjórnmálasaga.

3.     Björn Ólafsson ráðherra. Ritgerð um ævi hans og störf . Samstarfsaðilar eru Andvari, sem birti ritgerðina 2010, og Rannsóknasjóður Háskóla Íslands. Verkefninu lauk haustið 2010. 
Flokkur: Íslensk stjórnmálasaga.



Verkefni, sem nú er unnið að

Umhverfisvernd, eignaréttindi og auðlindanýting. Aðalrannsóknarspurningar eru tvær: 1) Að hvaða marki má nota skilgreiningu eignaréttinda til að tryggja umhverfisvernd og skynsamlega nýtingu auðlinda? 2) Að hvaða marki getur maðurinn bætt umhverfið með aðgerðum sínum í stað þess að spilla því? Afraksturinn verður nokkrar ritgerðir og ein bók. Innlendir samstarfsaðilar eru Hið íslenska bókmenntafélag, sem tekið hefur að sér að gefa út bók að loknu verkefninu, og Rannsóknarsetur um nýsköpun og hagvöxt og hugsanlega stofnanir, samtök og fyrirtæki. Erlendir samstarfsaðilar eru Millennium Instituto (Rio de Janeiro, Brasilíu) og Cato Institute (Rio de Janeiro, Brasilíu, og Washington DC, BNA). Verkefnið er unnið 2010–2013. Flokkur: Stjórnmálaheimspeki og stjórnmálahagfræði.

Evrópa fórnarlambanna: Glæpir kommúnismans í sögulegu ljósi. Alþjóðleg ráðstefna í Háskóla Íslands 22. september 2012. Á meðal fyrirlesara eru Stéphane Courtois, ritstjóri Svartbókar kommúnismans, Anna Funder, höfundur Stasilands, nokkrir norrænir fræðimenn og Hannes H. Gissurarson. Ráðstefnan fylgir eftir Prag-yfirlýsingunni frá 3. júní 2008 um samvisku Evrópu og kommúnismann og samþykktum Evrópuráðsins og Evrópuþingsins um glæpi kommúnismans. Erlendur samstarfsaðili verður væntanlega AECR, Alliance of European Conservatives and Reformists. Innlendir samstarfsaðilar verða Stofnun stjórnmála og stjórnsýslu í háskóla Íslands, Rannsóknarsetur um nýsköpun og hagvöxt og Almenna bókafélagið, sem mun gefa fyrirlestrana út í minningardegi fórnarlamba kommúnismans 23. ágúst 2013. Verkefnið er unnið 2012–2013. 
Flokkur: Stjórnmálaheimspeki og stjórnmálahagfræði.

Fiskveiðar: Sjálfbærar og arðbærar. Alþjóðleg ráðstefna í Reykjavík 6. nóvember 2012. Rannsóknarspurningin verður: Hvað getur Evrópusambandið lært af reynslu Íslendinga í stjórn fiskveiða? Á meðal fyrirlesara eru Árni Mathiesen, yfirmaður fiskveiðideildar FAO, dr. Gunnar Haraldsson, sérfræðingur OECD um fiskveiðar, Michael Arbuckle, sérfræðingur Alþjóðabankans um fiskveiðar, prófessorarnir Þráinn Eggertsson, Ragnar Árnason og Hannes H. Gissurarson úr Háskóla Íslands, prófessor Rögnvaldur Hannesson frá norska Viðskiptaháskólanum, og Helgi Áss Grétarsson og Birgir Þór Runólfsson, kennarar í Háskóla Íslands. Væntanlega verða einnig fulltrúar framkvæmdastjórnar ESB á ráðstefnunni. Innlendir samstarfsaðilar verða Alþjóðamálastofnun Háskóla Íslands, Rannsóknarsetur um nýsköpun og hagvöxt og Almenna bókafélagið, sem mun gefa fyrirlestrana út árið 2013. Erlendir samstarfsaðilar verða New Direction í Brüssel. Verkefnið er unnið 2012–2013. 
Flokkur: Stjórnmálaheimspeki og stjórnmálahagfræði.

Ísland, Evrópusambandið og heimskapítalisminn. Fyrirlestraröð í Háskóla Íslands 2012–2013. Rannsóknarspurningarnar verða: Sýndi hin alþjóðlega lánsfjárkreppa fram á veikleika kapítalismans? Brást Evrópusambandið skynsamlega við kreppunni? Eru stofnanir hennar nógu sterkar? Er Evrópusambandið á réttri braut með samrunaþróun sinni? Hver á afstaða Íslands að vera? Á það að leita fyrirmynda í BNA eða ESB? Meðal fyrirlesara verða prófessor Philip Booth frá Englandi, prófessor Douglas Rasmussen frá BNA, Matt Persson frá Open Europe, Jan-Arild Snoen frá Noregi, dr. Eamonn Butler frá Englandi, prófessor Ragnar Árnason og prófessor Hannes H. Gissurarson. Innlendir samstarfsaðilar verða huganlega Alþjóðamálastofnun Háskóla Íslands, Rannsóknarsetur um nýsköpun og hagvöxt og Almenna bókafélagið, sem mun gefa fyrirlestrana út árið 2013. Erlendir samstarfsaðilar verða AECR og New Direction í Brüssel. Verkefnið er unnið 2012–2013. 
Flokkur: Stjórnmálaheimspeki og stjórnmálahagfræði.

Skáldsögur Ayns Rands. Ritstjórn og umsjón með þýðingum á þremur verkum rússnesk-bandarísku skáldkonunnar Ayns Rands, sem sýna í senn kúgun einstaklingseðlisins við sósíalisma og hversu vel það fær að njóta sín við kapítalisma. Uppsprettan (The Fountainhead) kom út 2011, Undirstaðan (Atlas Shrugged) kemur út 2012 og Kíra Argúnova (We the Living) 2013. Innlendir samstarfsaðilar eru Almenna bókafélagið og Rannsóknarsetur um nýsköpun og hagvöxt. Verkefnið er unnið 2011–2013.
 Flokkur: Stjórnmálaheimspeki og stjórnmálahagfræði.

The Case for (Sustainable) Whaling. Stutt bók eða bæklingur um rökin fyrir því, að Íslendingar megi veiða þá tvo hvalastofna, hrefnu og langreyði, sem nóg er til af á Íslandsmiðum. Matarskortur er fyrirsjáanlegur í heiminum, og hvalirnir éta fæði frá mönnum og fiskum (sem sjálfir eru mannamatur). Fræðileg rök Colins Clarks gegn hvalveiðum eru ekki gild nema að litlu marki. Innlendir samstarfsaðilar eru Almenna bókafélagið og Rannsóknarsetur um nýsköpun og hagvöxt. Erlendir samstarfsaðilar eru hugsanlega Cato Institute í Washington DC og New Direction í Brüssel. Verkefnið er unnið 2011–2013. 
Flokkur: Stjórnmálaheimspeki og stjórnmálahagfræði.



Verkefni framundan

  • Jean-Jacques Rousseau. Gagnrýnin úttekt á stjórnmálaheimspeki hans. Ritgerð í Skírni. Samstarfsaðilar hugsanlega Fulbright-stofnunin í BNA og Skírnir. Verkefnið verður unnið 2010–2014.
 Flokkur: Stjórnmálaheimspeki.
  • Herbert Spencer. Gagnrýnin úttekt á stjórnmálaheimspeki hans. Formáli Lærdómsrits Hins íslenska bókmenntafélags með bókinni Maðurinn gegn ríkinu eftir Spencer í þýðingu Jónmundar Guðmarssonar. Samstarfsaðilar hugsanlega Fulbright-stofnunin í BNA og Hið íslenska bókmenntafélag. Verkefnið verður unnið 2010–2014.
 Flokkur: Stjórnmálaheimspeki.
  • The Fall of the Icelandic Banks. Íslenska bankahrunið, Aðdragandi og eftirmál. Aðalrannsóknarspurningarnar verða væntanlega fjórar: 1) Að hvaða marki bera innlendir aðilar og þá hverjir pólitíska og siðferðilega ábyrgð á bankahruninu? 2) Hvað olli harkalegum viðbrögðum grannþjóða fyrir og eftir bankahrun? 3) Hvers vegna skuldbundu íslensk stjórnvöld sig til að endurgreiða breskum og hollenskum stjórnvöldum lán þessara aðila til tryggingarsjóða innstæðueigenda í löndum þeirra? Veitir skýrsla rannsóknarnefndar Alþingis um bankahrunið heillega mynd af atburðarásinni, orsökum, afleiðingum og ábyrgð? Innlendur samstarfsaðili verður Rannsóknarsetur um nýsköpun og hagvöxt, en erlendur samstarfsaðili væntanlega New Direction í Brüssel. Verkefnið verður unnið 2010–2014, og því lýkur með bók á ensku. Flokkur: Stjórnmálahagfræði og íslensk stjórnmálasaga.

 

Þú ert að nota: brimir.rhi.hi.is