Hvernig er staðið að mannauðsmálum hjá stofnunum ríkisins?



Fjármála- og efnahagsráðuneytið, Félag forstöðumanna ríkisstofnana og Stofnun stjórnsýslufræða og stjórnmála við Háskóla Íslands boða til morgunverðarfundar þriðjudaginn 2. október 2012 kl. 8:00-10:30 á Grand Hótel Reykjavík.

Hvernig er staðið að mannauðsmálum hjá stofnunum ríkisins?

Mat forstöðumanna sjálfra, áherslur stjórnvalda, bjargráð til að gera betur

Kynning á niðurstöðum seinni hluta forstöðumannakönnunar 2011

Niðurstöður könnunar meðal forstöðumanna ríkisstofnana. Seinni hluti- Staðreyndahluti. (PDF 49 bls.)

Helstu niðurstöður úr könnuninni (PDF 12 bls.)

Þátttökugjald kr. 4400,- morgunverður innifalinn. Morgunverður frá kl. 8:00. Dagskrá hefst kl. 8:30.

1. Katrín Júlíusdóttir, fjármála- og efnahagsráðherra ræðir ríkisfjármálin og stefnu og áherslur ríkisstjórnarinnar í starfsmannamálum.

2. Ómar H. Kristmundsson, prófessor í stjórnsýslufræðum við Háskóla Íslands og Ágústa H. Gústafsdóttir, sérfræðingur í fjármála- og efnahagsráðuneytinu:

  Niðurstöður seinni hluta forstöðumannakönnunar 2011 um mannauðsstjórnun.

Glærur Ágústu og Ómars

3. Gunnar Björnsson, skrifstofustjóri í fjármála- og efnahagsráðuneytinu:

  Kynning á grundvallarviðmiðum í mannauðsmálum ríkisstofnana. Glærur frá Gunnari.

4.   Ágústa H. Gústafsdóttir, sérfræðingur í fjármála- og efnahagsráðuneytinu:

  Framkvæmd grundvallarviðmiða með stuðningi ORACLE. Glærur frá Ágústu.

5.   Hulda Arnljótsdóttir, fræðslusetrinu Starfsmennt og Anna Sigurborg Ólafsdóttir, Starfsþróunarsetri háskólamanna:

  Stuðningur við starfsþróun innan stofnunar.  

Glærur frá Huldu.

Glærur frá Önnu.

Fundarstjóri er Guðrún Ragnarsdóttir, framkvæmdarstjóri Lánasjóðs íslenskra námsmanna.

Á morgunverðarfundinum eru kynntar nýjar niðurstöður seinni hluta forstöðumannakönnunar 2011 sem skoðar mannauðsstjórnun frá sjónarhorni forstöðumanna ríkisstofnana, en könnunin var gerð í árslok 2011.  Á fundi með forstöðumönnum sem haldinn var í apríl s.l. voru kynntar niðurstöður fyrri hluta  sömu könnunar með áherslu á stöðu, starfskilyrði og kjör forstöðumanna ríkisstofnana. Fjármála- og efnahagsráðuneytið, Félag forstöðumanna ríkisstofnana og Stofnun stjórnsýslufræða og stjórnmála stóðu að Forstöðumannakönnunum 2007 og 2011.

Niðurstöður sem kynntar eru á fundinum eru skoðaðar í samhengi við fyrri könnun frá 2007.  Horft er m.a. til þátta eins og skipulag starfsmannamála, mótun og innihald starfsmannastefnu, starfslýsinga, aðferða við mat á umsækjendum um starf, upphaf starfs, fyrirkomulag starfsþróunar og aðferðir við mat á frammistöðu starfsmanna. Á fundinum eru jafnframt kynnt grundvallarviðmið í mannauðsmálum ríkisstofnana og bjargráð sem forstöðumenn geta nýtt sér til að bæta mannauðsmál hjá stofnunum sínum.  

Nýr fjármála- og efnahagsráðherra, Katrín Júlíusdóttir, mun í byrjun fundar ræða ríkisfjármál og stefnu og áherslur stjórnvalda í mannauðsmálum ríkisstarfsmanna.  Fyrirlesarar á ráðstefnunni eru Ómar H. Kristmundsson, prófessor í stjórnsýslufræðum við Háskóla Íslands og Ágústa H. Gústafsdóttir, sérfræðingur í fjármála- og efnahagsráðuneytinu en þau kynna niðurstöður forstöðumannakönnunar 2011 um mannauðsstjórnun. Gunnar Björnsson, skrifstofustjóri fjármála- og efnahagsráðuneytisins kynnir ný grundvallarviðmið í mannauðsmálum ríkisstofnana og Ágústa H. Gústafsdóttir ræðir framkvæmd grundvallarviðmiða með stuðningi ORACLE.  Að lokum ræða Hulda Arnljótsdóttir, fræðslusetrinu Starfsmenn og Anna Sigurborg Ólafsdóttir, Starfsþróunarsetri háskólamanna um stuðning við starfsþróun innan stofnana.   

Þú ert að nota: brimir.rhi.hi.is