Hvað má betur fara á vef stofnunarinnar?

Innanríkisráðuneytið í samstarfi við Velferðarráðuneytið og Stofnun stjórnsýslufræða og stjórnmála við Háskóla Íslands

bjóða upp á hagnýtt námskeið fyrir vefstjóra/umsjónarfólk með vefjum heilbrigðisstofnana 25. okt. kl. 13-16 og 26. okt. kl. 9-12 í húsnæði Endurmenntunarstofnunar HÍ við Dunhaga.


Stendur einnig til boða í fjarbúnaði  

Námskeiðið er hið fimmta í röðinni fyrir vefstjóra stofnana ríkis og tengdra stofnana, auk sveitarfélaga.  Þegar hafa um 200 vefstjórar sótt slíkt námskeið og hafa þau þótt afar gagnleg.

Þátttökugjald er 5.000 kr.   Skráning  HÉR

Á námskeiðinu er farið yfir greiningu á stöðu opinberra vefja og leiðbeint hvernig gera má enn betur með einföldum aðgerðum. Horft er til innihalds, nytsemi, þjónustu og aðgengis. Kastljósinu verður einnig beint að notkun samfélagsmiðla, lýðræðisvirkni og rafrænni málsmeðferð. Handbók um opinbera vefi verður kynnt.    

Íslensk stjórnvöld hafa sett það markmið að Íslendingar verði meðal fremstu þjóða í rafrænni stjórnsýslu og rafrænni þátttöku árið 2020.  Til þess að svo megi verða þarf  að gera verulegar umbætur á opinberum vefjum. Sambærileg námskeið eru í boði fyrir vefstjóra sveitarfélaga.

Markmið námskeiðsins:  Markmið námskeiðsins er að gefa vefstjórum og þeim sem hafa umsjón með vefjum stofnana ríkisins og tengdra stofnana tækifæri til að greina stöðu þeirra vefja sem þeir sjá um og fá hugmyndir og hagnýt ráð um leiðir til að bæta þá.

Lýsing: Til grundvallar í námskeiðinu er vefhandbók sem gefin var út af  í innanríkisráðuneytinu í samstarfi við Samband íslenskra sveitarfélaga og er aðgengileg er á slóðinni: http://www.ut.is/vefhandbok/. Jafnframt er byggt á mati og greiningu á stöðu opinberra vefja 267 stofnana ríkis og sveitarfélaga, en niðurstöður fyrir árið 2011 koma fram í skýrslunni  „Hvað er spunnið í opinbera vefi 2011: Framkvæmd, úrvinnsla og helstu niðurstöður“frá janúar 2012, sjá http://www.ut.is/konnun 2011/.  Þessar niðurstöður veita verðmætar upplýsingar um stöðu vefja opinberra stofnana hjá ríki og sveitarfélögum. Hver þátttakandi fær sent afrit af greiningu á vef sinnar stofnunar en námskeiðið hefst til að kynna sér nánar og hafa til hliðsjónar.  Á námskeiðinu, eins og í könnuninni, verður sjónum einkum beint að innihaldi, nytsemi, þjónustu og aðgengi. Þá verður einnig skoðuð notkun samfélagsmiðla, lýðræðisvirkni og rafræn málsmeðferð. Þátttakendur fá tækifæri til að ráðfæra sig við sérfræðinga á þessum sviðum um aðferðir til úrbóta.  

Leiðbeinendur á námskeiðinu eru sérfræðingar á sviði úrlausna í rafrænni stjórnsýslu og vefmálum:

  • Arnar Pálsson, ráðgjafi hjá Capacent
  • Björn Sigurðsson, vefstjóri hjá forsætisráðuneytinu
  • Bragi Leifur Hauksson, verkefnastjóri hjá Þjóðskrá Íslands
  • Halla Björg Baldursdóttir, forstöðumaður rafrænnar stjórnsýslu hjá Þjóðskrá Íslands
  • Jóhanna Símonardóttir, sérfræðingur hjá Sjá ehf.



Á námskeiðinu verður gefinn tími til umræðna og samráðs. 

Þú ert að nota: brimir.rhi.hi.is