Námskeið 17. og 18. okt 2013: Árangursrík innleiðing breytinga

Hagnýt vinnusmiðja sérstaklega skipulögð fyrir forstöðumenn opinberra stofnana og staðgengla þeirra.

Tveir hálfir dagar, 17. og 18. október 2013 kl. 13.00-17:00 í stofu 101 í húsnæði Lyfjafræðideildar HÍ við Neshaga.

Vinnusmiðjan er samstarfsverkefni Félags forstöðumanna ríkisstofnana og Stofnunar stjórnsýslufræða og stjórnmála

Þátttökugjald kr.  34.500,-

Skráning á námskeiðið

Hámarksfjöldi þátttakenda er 25-30 manns.  

Leiðbeinandi er Guðrún Ragnarsdóttir ráðgjafi hjá Strategíu og fráfarandi framkvæmdastjóri Lánasjóðs íslenskra námsmanna. Gestafyrirlesari er Guðjón Steingrímsson, framkvæmdastjóri hjá RB en hann hefur reynslu af því að nota þau verkfæri sem verða kynnt til sögunnar á námskeiðinu við innleiðingu breytinga.

Breytingar eru erfiðar bæði fyrir þá sem leiða þær og þá sem upplifa þær. Rannsóknir sýna að í 90% tilfella ná fyrirtæki/ stofnanir ekki þeim árangri sem var skilgreindur í upphafi breytinga. Góður undirbúningur er grunnurinn að árangursríkri innleiðingu en rannsóknir sýna að hann er oftast mjög takmarkaður.

Markmið vinnusmiðjunnar er að efla þátttakendur í að undirbúa breytingarferlið og þannig stuðla að árangursríkri innleiðingu. Vinnusmiðjan byggir á verklegum æfingum þar sem þátttakendur vinna að því að undirbúa innleiðingu ákveðinna breytinga. Þátttakendur læra að nýta ákveðin verkfæri sem geta auðveldað innleiðinguna og þeir geta nýtt í sínu starfsumhverfi. Aðferðafræðin sem verður kynnt til sögunnar getur nýst stofnunum í hvaða breytingarferli sem er, hvort sem um sameiningu stofnana er að ræða, skipulagsbreytingar, innleiðingu á nýju kerfi eða breytt verklag. Allar breytingar kalla á góðan undirbúning ef vel á að takast til.

Guðrún Ragnarsdóttir er ráðgjafi hjá Strategíu og ffráfarandi framkvæmdastjóri Lánasjóðs íslenskra námsmanna. Hún hefur víðtæka reynslu af stjórnun breytinga en sl. 15 ár hefur hún unnið að ýmsum verkefnum á því sviði m.a. sem gæðastjóri hjá Landsvirkjun, forstöðumaður gæðastjórnunar hjá Íslandsbanka, sem framkvæmdastjóri þróunarsviðs BYKO og nú síðast sem framkvæmdastjóri LÍN.  Guðrún er viðskiptafræðingur og MBA.  Hún hefur unnið að mörgum ráðgjöfgjafaverkefnum, sinnt námskeiðahaldi og skrifað greinar um stjórnun.

Þú ert að nota: brimir.rhi.hi.is