Veiting nýsköpunarverðlauna og viðurkenninga 2015

Nýsköpun í opinberri þjónustu og stjórnsýslu - Veiting nýsköpunarverðlauna og viðurkenninga í opinberri þjónustu og stjórnsýslu 2015

Hádegisverðarfundur föstudaginn 23. janúar 2015 kl. 11:45-14:00 á Grand hótel Reykjavík

á vegum fjármála- og efnahagsráðuneytisins, Sambands íslenskra sveitarfélaga, Félags forstöðumanna ríkisstofnana, Rannís, Nýsköpunarmiðstöðvar Íslands og Stofnunar stjórnsýslufræða og stjórnmála við Háskóla Íslands.

 

Nýsköpun í opinberri þjónustu og stjórnsýslu

Skapandi þjónusta forsenda velferðar

Samvinna – Hönnun – Þekking

Veiting nýsköpunarverðlauna og viðurkenninga í opinberri þjónustu og stjórnsýslu 2015

Þátttökugjald kr. 5.600.- Innifalið í þátttökugjaldinu er hádegisverður og kaffi og konfekt.

 

Streymt verður frá ráðstefnunni á slóðinni www.samband.is/beint

Streymið hefst kl. 11.45. 23. janúar 2013.

Dagskrá:

1. Bjarni Benediktsson, fjármála- og efnahagsráðherra, flytur ávarp.

2. Nikolaj Lubanski Director at Copenhagen Capacity: Innovation Trends in the Nordic Countries - How can public managers drive innovation forward?

3. Halla Helgadóttir framkvæmdastjóri Hönnunarmiðstöðvar Íslands: Hönnun stjórnkerfis og opinberrar þjónustu?

4. Dr. Rögnvaldur J. Sæmundsson dósent í Iðnaðarverkfræði við Háskóla Íslands og fyrrum formaður stjórnar Samkeppniseftirlitsins: Nýsköpunar- og frumkvöðlafræði - Hvaða erindi eiga þau við opinbera þjónustu og stjórnsýslu?

5. Afhending nýsköpunarverðlauna. Halldór Halldórsson, formaður Sambands íslenskra sveitarfélaga.

Fundarstjóri: Borghildur Erlingsdóttir, forstjóri Einkaleyfastofu og formaður Félags forstöðumanna ríkisstofnana.

Á hádegisverðarfundinum verða afhent í fjórða sinn verðlaun og viðurkenningar fyrir nýsköpun í opinberri þjónustu og stjórnsýslu.  Um 50 tilnefningar bárust til valnefndar.  Aðalfyrirlesari er Nikolaj Lubanski framkvæmdastjóri hjá Copenhagen Capacity sem ræða mun um þróun nýsköpunarmála í opinbera geiranum á Norðurlöndum.  Jafnframt mun Nikolaj fjalla um aðferðir sem geta hjálpað starfsfólki hins opinbera til að styðja við og keyra nýsköpun áfram.  Nikolaj hefur á síðustu tveimur áratugum unnið með stjórnendum að þróunarmálum innan opinbera geirans. Í fyrra starfi sínu sem forstjóri danska School of Public Administration koma hann að þróun ýmissa tímamótaverkefna á sviði menntunar í nýsköpunarmálum.   Í fyrra var Nikolaj skipaður í nefnd á vegum hins opinbera í Danmörku (Kvalitetsudvalget) til að meta gæði og gildi æðri menntunar. Nikolaj hefur einnig komið nokkrum sinnum til Íslands og meðal annars verið með fyrirlestra um nýsköpun í Akademíu fyrir framtíðarstjórnendur og starfsmenn opinberra stofnana. 

Halla Helgadóttir framkvæmdastjóri Hönnunarmiðstöðvar Íslands mun flytja erindi um hvernig hönnun sem aðferðafræði nýtist við nýsköpun á öllum sviðum tilveru okkar hvort sem um er að ræða þróun stjórnkerfis, samfélags, efnahagslífs eða þróun hugmynda, verkefna, vöru, þjónustu og ferla.  Þá mun Rögnvaldur J. Sæmundsson dósent í iðnaðarverkfræði við Háskóla Íslands fjalla um að hvaða leyti nýsköpunar- og frumkvöðlafræði eiga erindi við opinbera þjónustu og stjórnsýslu.  Rögnvaldur hefur m.a. unnið að þróun meistaranáms í nýsköpun og viðskiptaþróun.  Bjarni Benediktsson, fjármála- og efnahagsráðherra opnar ráðstefnuna og flytur ávarp. Halldór Halldórsson, formaður Sambands íslenskra sveitarfélaga afhendir nýsköpunarverðlaun og viðurkenningar í opinberri þjónustu og stjórnsýslu.  Fundarstjóri er Borghildur Erlingsdóttir, forstjóri Einkaleyfastofu og formaður Félags forstöðumanna ríkisstofnana.

Þú ert að nota: brimir.rhi.hi.is