Nýr forstöðumaður Stofnunar stjórnsýslufræða og stjórnmála

Þann 11. maí hóf Sjöfn Vilhelmsdóttir störf sem forstöðumaður Stofnunar stjórnsýslufræða og stjórnmála og tekur hún við af Gesti Páli Reynissyni sem gegnt hefur starfi forstöðumanns í rúmt ár.
 
Sjöfn hefur lokið BA prófi í stjórnmálafræði frá Háskóla Íslands, MA í alþjóðafræðum frá University of Denver og stundar nú doktorsnám við Stjórnmálafræðideild HÍ. Hún hefur undanfarin ár starfað við verkefnastjórn, rannsóknir og kennslu við Háskóla Íslands, var um tíma framkvæmdastýra UN Women á Íslandi og vann ýmis störf hjá Þróunarsamvinnustofnun Íslands m.a. í Namibíu.
 
Stjórn stofnunarinnar býður Sjöfn velkomna til starfa!
Þú ert að nota: brimir.rhi.hi.is